Verse 1: Nanka amabanga ohambo lwabantwana bakwa-Israyeli abaphuma ngawo ezweni laseGibithe ngamabandla abo phansi kwesandla sikaMose nesika-Aroni.
Verse 2: UMose waloba ngokuhamba kwabo ngamabanga abo ngesiyalezo sikaJehova; nanka amabanga abo njengokuhamba kwabo.
Verse 3: Basuka eRamsesi ngenyanga yokuqala ngosuku lweshumi nanhlanu lwenyanga yokuqala; ngolwangakusasa emva kwephasika abantwana bakwa-Israyeli baphuma ngesandla esiphakemeyo emehlweni abo bonke abaseGibithe,
Verse 4: abaseGibithe besembela onke amazibulo abo abulawa kubo nguJehova, uJehova ebahlulele nawonkulunkulu babo.
Verse 5: Abantwana bakwa-Israyeli basuka-ke eRamsesi, bamisa eSukoti.
Verse 6: Basuka eSukoti, bamisa e-Etamu eliseceleni kwehlane.
Verse 7: Basuka e-Etamu, babuyela ePhi Hahiroti elingaphambi kweBali Sefoni; bamisa phambi kweMigidoli.
Verse 8: Basuka eHahiroti, badabula phakathi kolwandle, baya ehlane, bahamba ibanga lezinsuku ezintathu ehlane lase-Etamu, bamisa eMara.
Verse 9: Basuka eMara, bafika e-Elimi; e-Elimi kwakukhona imithombo eyishumi nambili yamanzi namasundu angamashumi ayisikhombisa; bamisa khona.
Verse 10: Basuka e-Elimi, bamisa ngaseLwandle Olubomvu.
Verse 11: Basuka eLwandle oluBomvu, bamisa ehlane laseSini.
Verse 12: Basuka ehlane laseSini, bamisa eDofika.
Verse 13: Basuka eDofika, bamisa e-Alushi.
Verse 14: Basuka e-Alushi, bamisa eRefidimi, lapho kwakungekho manzi khona ukuba abantu baphuze.
Verse 15: Basuka eRefidimi, bamisa ehlane laseSinayi.
Verse 16: Basuka ehlane laseSinayi, bamisa eKibiroti Hathawa.
Verse 17: Basuka eKibiroti Hathawa, bamisa eHaseroti.
Verse 18: Basuka eHaseroti, bamisa eRitima.
Verse 19: Basuka eRitima, bamisa eRimoni Pheresi.
Verse 20: Basuka eRimoni Pheresi, bamisa eLibina.
Verse 21: Basuka eLibina, bamisa eRisa.
Verse 22: Basuka eRisa, bamisa eKehelatha.
Verse 23: Basuka eKehelatha, bamisa entabeni yaseSheferi.
Verse 24: Basuka entabeni yaseSheferi, bamisa eHarada.
Verse 25: Basuka eHarada, bamisa eMakeloti.
Verse 26: Basuka eMakeloti, bamisa eTahati.
Verse 27: Basuka eTahati, bamisa eThera.
Verse 28: Basuka eThera, bamisa eMitika.
Verse 29: Basuka eMitika, bamisa eHashimona.
Verse 30: Basuka eHashimona, bamisa eMoseroti.
Verse 31: Basuka eMoseroti, bamisa eBene Jahakani.
Verse 32: Basuka eBene Jahakani, bamisa eHori Hagidigadi.
Verse 33: Basuka eHori Hagidigadi, bamisa eJothabata.
Verse 34: Basuka eJothabata, bamisa e-Abrona.
Verse 35: Basuka e-Abrona, bamisa e-Esiyoni Geberi.
Verse 36: Basuka e-Esiyoni Geberi, bamisa ehlane laseSini eliyiKadeshi.
Verse 37: Basuka eKadeshi, bamisa entabeni yaseHori eceleni kwezwe lakwa-Edomi.
Verse 38: U-Aroni umpristi wakhuphukela entabeni yaseHori ngesiyalezo sikaJehova, wafela khona ngomnyaka wamashumi amane emva kokuphuma kwabantwana bakwa-Israyeli ezweni laseGibithe, ngenyanga yesihlanu ngolokuqala lwenyanga.
Verse 39: U-Aroni wayeneminyaka eyikhulu namashumi amabili nantathu mhla efela entabeni yaseHori.
Verse 40: UmKhanani, inkosi yase-Aradi, owahlala eningizimu ezweni laseKhanani, wezwa ngokufika kwabantwana bakwa-Israyeli.
Verse 41: Basuka entabeni yaseHori, bamisa eSalimona.
Verse 42: Basuka eSalimona, bamisa ePunoni.
Verse 43: Basuka ePunoni, bamisa e-Oboti.
Verse 44: Basuka e-Oboti, bamisa e-Iye Abarimi emkhawulweni wakwaMowabi.
Verse 45: Basuka e-Iyimi, bamisa eDiboniGadi.
Verse 46: Basuka eDiboni Gadi, bamisa e-Alimoni Dibilatayimi.
Verse 47: Basuka e-Alimoni Dibilatayimi, bamisa ezintabeni zase-Abarimi ngaphambi kweNebo.
Verse 48: Basuka ezintabeni zase-Abarimi, bamisa emathafeni akwaMowabi ngaseJordani ngaseJeriko.
Verse 49: Bamisa ngaseJordani kusukela eBeti Jeshimoti kuze kufike e-Abela Shithimi emathafeni akwaMowabi.
Verse 50: UJehova wakhuluma kuMose emathafeni akwaMowabi ngaseJordani ngaseJeriko, wathi:
Verse 51: “Yisho kubantwana bakwa-Israyeli, uthi kubo: ‘Nxa niwela iJordani ukuba ningene ezweni laseKhanani,
Verse 52: niyakuxosha bonke abakhileyo ezweni phambi kwenu, nichithe yonke imifanekiso yabo, nibulale zonke izithombe zabo ezibunjiweyo, nibhidlize zonke izindawo zabo eziphakemeyo,
Verse 53: nidle ifa lezwe, nihlale kulo, ngokuba ngininikile izwe ukuba nilidle.
Verse 54: Niyakulidla izwe ngenkatho ngokwemindeni yakini, abaningi nibanike ifa elikhulu, nabayingcosana nibanike ifa elincane, nakuphi lapho inkatho imudla khona umuntu, kuzakuba ngelakhe; niyakulidla ifa ngokwezizwe zawoyihlo.
Verse 55: “ ‘Kepha uma ningaxoshi abantu bezwe phambi kwenu, labo enibashiyayo bayakuba njengezinkandi emehlweni enu nanjengameva ezinhlangothini zenu, banikhathaze ezweni enihlala kulo.
Verse 56: Kuyakuthi njengalokho bengithi ngiyakwenza kubo, ngenze njalo nakini.’ ”