Verse 1: “Bheka, iso lami libone konke; indlebe yami ikuzwile, yakuqonda.
Verse 2: Enikwaziyo ngiyakwazi nami; angahlulwa yinina.
Verse 3: Kepha ngiyakukhuluma kuSomandla; ngifuna ukuphikisana noNkulunkulu.
Verse 4: Kepha ningabaqambimanga; niyizinyanga ezingelutho nonke.
Verse 5: Sengathi ningathula nokuthula, lokho kube ngukuhlakanipha kini.
Verse 6: Ake nizwe ukuthetha kwami, niqaphele ukuzivikela kwezindebe zami.
Verse 7: Niyakumkhulumela uNkulunkulu ngokubi, nimkhulumele ngenkohliso, na?
Verse 8: Niyakubuvuma ubuso bakhe, nimmele uNkulunkulu, na?
Verse 9: Kuhle yini, lapho eniphendla? Njengalokhu umuntu ekhohliswa niyakumkhohlisa na?
Verse 10: Uyakunisola nokunisola, uma nivuna ubuso ngasese.
Verse 11: Ubukhulu bakhe abuyikunethusa, nengebhe ngaye inehlele, na?
Verse 12: Izikhumbuzo zenu ziyizaga zomlotha; izivikelo zenu ziyizivikelo zebumba.
Verse 13: “Thulani, ningiyeke ukuba ngikhulume, kungehlele noma yini.
Verse 14: Bengiyakuyithathelani inyama yami ngamazinyo ami, ngibeke ukuphila kwami esandleni sami, na?
Verse 15: Bheka, uyakungibulala, anginathemba; nokho ngiyakuvikela izindlela zami ebusweni bakhe.
Verse 16: Lokhu kuyakuba yinsindiso yami ukuthi ongenaNkulunkulu akezi phambi kwakhe.
Verse 17: Zwisisani amazwi ami, ukusho kwami kube sezindlebeni zenu.
Verse 18: Bhekani-ke, sengilungisile ukwahlulelwa kwami; ngiyazi ukuthi ngiyakuthethwa mina.
Verse 19: Ngubani oyakuphikisana nami na? Ngokuba lapho bengiyakuthula, ngigqabuke.
Verse 20: Izinto ezimbili kuphela ungazenzi kimi, ngize ngingacasheli ubuso bakho:
Verse 21: masingasondeli kimi isandla sakho, ngingethuswa yingebhe ngawe.
Verse 22: Khona mawubize, mina ngiyakuphendula, noma kukhulume mina, wena ungiphendule.
Verse 23: Iziphambeko zami nezono zami zingakanani na? Ngazise izeqo zami nezono zami.
Verse 24: Usithelani ubuso bakho, ungishaye isitha, na?
Verse 25: Uyakwethusa iqabunga eliphephethwayo, uxoshe amabibi awomileyo, na?
Verse 26: Ngokuba uloba okumunyu ngami, ungidlisa ifa lobubi bobusha bami;
Verse 27: ufaka izinyawo zami ezingongolweni, uqaphela zonke izindlela zami, uzidwebela umudwa ngasematheni ezinyawo zami,
Verse 28: noma nginyamalala njengokubolayo, njengengubo edliwe yizinundu.