Verse 1: Igama lokukhuphuka. Ekuhluphekeni kwami ngakhala kuJehova, wangiphendula.
Verse 2: Jehova, hlenga umphefumulo wami emlonyeni wamanga nasolimini lwenkohliso.
Verse 3: Uyakuvuzwa ngani, uyakwenezelelwani wena lulimi lwenkohliso, na?
Verse 4: Imicibisholo ebukhali yeqhawe namalahle omlilo.
Verse 5: Maye kimi! Ngokuba ngigogobele kwaMesheke, ngihlezi ematendeni akwaKedari.
Verse 6: Umphefumulo wami sekukade wahlala naye ozonda ukuthula.
Verse 7: Ngingowokuthula; kepha uma ngikhuluma, bangabalwayo.